aloe vera(ghekwar) health benefits in urdu

aloe vera(ghekwar) health benefits in urdu

aloe vera ek aisa jadeed qadeem poda he jo apne andar boht se tibbi fawaid ka khzana rakhta he.mede ki kharabi,jildi amraz,baalon ke tamam jumla-e-amraz,daant ka dard,jorhon aur patthon ki takleef,husn ko nikharne aur kai deegar amraz men aloe vera ka istemal kiya jata he.cosmetics men bhi is ke istemal men din ba din izafa ho raha he.nazla,zukaam aur khansi men bhoone hue patton ka juice shehed ke sath lena behetreen elaj he.jorhon ke dard aur kamar dard ke liye rozana ek patte ka gooda khana boht mufeed he.jigar aur tilli ki bimariyon men aloe vera ka gooda boht shifa bakhsh he.aloe vera ke patton men pet ke keerhe marne ki taaseer pai jati he.aloe vera ke patton ko pani men ubaal kar iska gaarha juice bachon ke pet men hone wale keerhe ko marne ke liye boht faide mand he.aloe vera ka gooda ankhon ke gird siyah halke aur aur jhuryon ko khatam kar deta he.aloe vera qabz kusha aur maqvi meda he.jism ke jale hue hisse par aloe vera ka gooda lagane se na sirf jalan khatam ho jati he balke ye thanda aur aram deh ahsas bhi deta he.